Заман авазлары: гитара тарихы буенча сәяхәт
Урыссу балалар сәнгать мәктәбендә тарихка чын музыкаль экскурс — «Ренессанстан безнең көннәргә кадәр» дип аталган гитарачылар концерты булды.
Уңайлы залга җыелган тамашачылар башкаручыларның бармаклары астында төрле чорлардагы музыкаль полотноларның җанлануына шаһит булдылар. Кичә программасында кырыс классицизм, нәфис барокко һәм заманның виртуоз мотивлары кушылды. Тыңлаучылар күптән үткән еллар атмосферасына чума алдылар, ул вакытта һавада бер-берсен алыштырып Анданте, Сарабанда, Рондо һәм Жиги көйләре оча иде.
Әлеге танып белү кичәсенең авторы һәм алыштыргысыз алып баручысы булып гитара классы буенча укытучы Светлана Белобородова чыгыш ясады. Иҗади атмосфера тудыруда аның тәрбияләнүчеләре — гитара классы укучылары актив ярдәм иттеләр, алар тамашачыларны үзләренең башкарулары белән сөендерделәр.
Чараның мәртәбәле кунаклары чыгышы концертның үзенчәлекле бизәге булды. Октябрьский музыка көллиятеннән студентлар һәм аларның остазы А.В. Ефимов тамашачыларга матур тәэсирләр һәм профессиональ уен үрнәге бүләк итеп, югары дәрәҗәдә башкару осталыгын күрсәттеләр. Очрашу иҗади бердәмлек һәм күңел җылысы шартларында узды, тыңлаучыларның йөрәкләрендә матур музыка белән аралашу эзе калдырды.
Тулырак: https://yutazy.ru/news/kultura/zvuki-epox-putesestvie-po-gitarnoi-istorii