Искәндәр Латыйповның көмеш финишы

2026 елның 5 марты, пәнҗешәмбе

2026 елның 3-5 мартында Яр Чаллыда атказанган спорт мастеры И.С. Утробин призына чаңгы ярышлары буенча Татарстан Республикасы Беренчелеге узды.

Ярышларда бөтен төбәктән 500дән артык яшь чаңгычы катнашты. Спортчылар ирекле стиль белән 3, 5 һәм 10 километрлы дистанцияләрдә көч сынаштылар.

«Олимп» спорт мәктәбе укучылары лаеклы нәтиҗәләр күрсәттеләр. Искәндәр Латыйповның чыгышы аеруча игътибарга лаек.

2010-2011 елгы яшүсмерләр арасында ирекле стиль белән 5 км дистанциядә Искәндәр көмеш медаль яулады.

Искәндәрне һәм аның остазлары — тренер-укытучылар Таһир Гыйздетдиновны һәм Илмир Латыйповны искиткеч нәтиҗәләр белән котлыйбыз!

Тулырак: https://yutazy.ru/news/sport/serebrianyi-finis-iskandera-latypova