Саумы, Сабантуйлы киң мәйдан!...

Мөгаен, тәүге көннәрдә күпләр күңелләре белән табигатьнең бөтен гүзәллеген үзенә җәлеп иткән Какылы Күл авылы янындагы болынга тартыладыр. 

Бик тиздән монда халкыбызның сөекле бәйрәме – район Сабан туе узачак. Шуны аерым билгеләп үтәргә кирәк, быел әлеге милли бәйрәмебезне үткәрү тәртибенә бераз үзгәрешләр кертелде: район Сабан туе шимбә, 7 июньдә, торак пунктларда якшәмбе, 8 июньдә узачак. Катнашучыларны, җанатарларны традицион уеннар һәм спорт ярышлары белән бергә кагыйдәләрсез көрәш тә көтәчәк. Җыр-моңга гашыйклар башкалабыздан киләчәк яшь артистлар Рифат Хөснияров, Диләрә Илалтдинова, Фаяз Фасыйхов башкаруындагы моңлы, дәртле җырларны тыңлый алачак. Кадерле ютазылылар,  районыбыз кунаклары, Сабантуйларга рәхим итегез!