Гасырлар аша һаман да истә

6 июнь көнне Үзәк китапханә, Воробьева Валентина Михайловна җитәкчелегендәге Россиянең Ютазы районындагы җирле  Пенсионерлар Союзы  белән берлектә лагерьга йөрүче балалар белән "Гасырлар аша һаман да истә" дип исемләнгән Бөек рус шагыйре Александр Сергеевич Пушкинның тууына 215 елга багышланган чара уздырдылар. Укучылардан тыш чарага Ютазы районының төрле иҗтимагый җәмәгать оешмалары һәм пенсия яшендә булган мәктәп укытучы-ветераннары җыелышканнар иде. 
Чара башланыр алдыннан "Пушкинны бүген укыйбыз" дигән акция уздырылды. Акция вакытында җыелучыларга Пушкин шигырьләре тупланган открыткалар өләштеләр. Аннары балаларга кечкенә Саша, аның бала чагы турында сөйләделәшр, һәм әлбәттә инде Пушкин әкиятләрен укыдылар. Монда ук балалар Пушкин шигырьләрен укыдылар. Валентина Михайловна шагыйрьнең тормыш юлы турында бәян итте. Аннары зурлар Пушкин шигырьләрен укыдылар. Чарана йомгаклап "Пушкин әкиятләре" дигән викторина уздырдылар, катнашучыларга бүләкләр өләштеләр. Бәйрәм Шагыйрь һәйкәленә чәчәкләр салу белән тәмамланды.