Профессионализм, инновацияләр, иҗадилык, уңыш - ФГОС буенча мәктәпкәчә тәрбия бирүнең төп нигезе

Әлеге секциянең катнашучылары - мәктәпкәчә тәрбия бирү буенча мәгариф бүлеге методистлары һәм балалар бакчалары җитәкчеләре. Ютазы районын методист Орехова В.И. һәм Дим-Тамак авылы балалар бакчасы мөдире Хәлиуллина Х.М. тәкъдим иттеләр. Секция белән ТР премьер-министры урынбасары - ТР мәгариф һәм фән министры Фәттахов Э.Н. улы идарә итте. Секциянең программасы бик тыгыз иде һәм ул биш маршрут буенча алып барылды. Ютазы районы делегатлары авыл җирлегендәге балалар бакчаларында булдылар. Анда сингапур технологиясен кулланып кызыклы һәм мавыктыргыч дәресләр күрсәтелде, шул ук вакытта дәресләрдә 3D спорт комплексының презентациясен дә күрсәттеләр, балаларның инглиз телен белүен дә демонстрацияләделәр. Киңәшмәнең пленар өлешендә Энгель Фәттахов мәктәпкәчә белем бирү системасында модернизация юллары турында сөйләде. Моннан тыш, ул 1 сентябрьга кадәр "Ана теле" проекты кысаларында татар телен өйрәнүне тәмамларга кирәклеген искәртте. Рус һәм татар телләре белән параллель рәвештә балалар бакчаларында инглиз телен укытуны да күздә тотарга кирәк. Аерым игътибар балалар бакчасыннан мәктәпкә күчү чорында сәламәтлек саклау технологияләрен онытмаска һәм полилигвиаль технологияләрне кулланып башкарылсын иде диелде.