Ютазы муниципаль районы

Яшьләр террорга каршы

2014 елның 22 сентябре, дүшәмбе

Үзәк китапханәдә "Экстремизмга - юк!" айлыгы кысаларында Бөгелмә аграр көллияте студентлары өчен "Яшьләр террорга каршы" дип исемләнгән тематик сәгать узды. Әңгәмә барышында студентларны әлеге көннең килеп чыгышы, террорчылык белән көрәшүнең никадәр дәрәҗәдә бүгенге тормышта авыр икәнен сөйләделәр. Мисал итеп китапханәчеләр Бесланда булган куркыныч вакыйганы китерделәр. Чарага килүчеләргә террористларның бернинди кешене дә аямавын, хәтта хатын-кызларга, балаларга карата да вәхшиләрчә кыланулары турында сөйләделәр. Аннары "Беслан хәтере" дип исемләнгән фильм карадылар.Чарага балигү булмаган яшьләр белән эшләү бүлеге полиция капитаны Рөстәм Ногманов чакырылган иде. Ул да үз чыгышында урамда, кеш күп җыела торган җәмәгать урыннарында кешеләрнең үз-үзләрен тотышына игътибарлы булырга кирәклеге турында сөйләде. Монда ук ничек терактны булдырмый калырга мөмкин икәнлеге турында сөйләнде. Чара азагында җыелучыларга террорчылыкка каршы булган листовкалар таратылды.

БАРЛЫК ЯҢАЛЫКЛАРНЫ УКУ