Ютазы муниципаль районы

Татарстанда яшәүче наркотиклар тараткан

2014 елның 7 октябре, сишәмбе

46 яшьлек Лениногорск шәһәрендә яшәүче бер ханым героин тараткан өчен 10 елга төрмәгә ябыла. ТР Бөгелмә шәһәр суды 2008 елда бер тапкыр наркотик матдәләр саклаган өчен суд каршына баскан әлеге ханымга әнә шундый җәза бирә.
Узган елның мартында гына иреккә чыккан әлеге хатын чыгу белән үк янәдән шул ук эшкә керешкән. Бу эшкә ул колониядә утырган вакытта танышкан 46 яшьлек танышын да тарткан. Хатыннар сөйләве буенча һәрберсенең инде балалары бар. Алар үзләре дә күп еллар иде нароктик кулланалар икән. Алар эшләргә һәм яңа тормыш корырга теләмәүләре җиткергәннәр.

Героинны алар Татарстанга күрше регионнан алып кайтканнар һәм наркоконтроль хезмәткәрләре аларны чираттагы партияне алып кайткан вакытта тоткарлыйлар. Алар кайта торган автомобиль автотрассада тоткарлана. Машинаны тикшергән вакытта аларның берсендә 100 граммнан артык героин табыла, ә соңрак Лениногорск шәһәрендә (ә аларның берсе шунда торган) 22 грамм иң куркыныч дип саналган матдә табыла. Бүген Бөгелмә шәһәр суды әлеге хатыннарның берсенә генә җәза билгеләде. Аңа 10 ел төрмә яный, ә икенче хатын буенча эшне тикшерү әле дәвам итә.

БАРЛЫК ЯҢАЛЫКЛАРНЫ УКУ