Джанна Волкова район данын яклап тагын бер җиңү белән кайтты. Ул "Гражданлык позииясе" номинаиясендә 1 дәрәҗәдәге лауреат исеменә лаек булды.

2014 елның 27-28 ноябрь көннәрендә Казан шәһәрендә "Татарстан Республикасының иң яхшы иҗтимагый тәрбиячесе" Республика бәйгесенең йомгаклау этабы булды.  Бәйгедә катнашырга дип агымдагы елда 53 иҗтимагый тәрбияче гариза биргән булган.Финалга шуларның 22 узды.  Безнең Ютазы районын район этабында җиңеп чыккан "Форпост" үзәге директоры Джанна Волкова тәкъдим итте. Беренче көнне катнашучылар үзләренең визит карточкалары турында сөйләделәр, шәхси эш планы белән уртаклаштылар, стандарт булмаган педагогик мәсьәләләр чиштеләр, үзләренең хоббиларына презентация тәкъдим иттеләр. 
бәйгенең икенче көне наркотикларга каршы темасына мастер-класс караудан башланды, ә азагы катнашучыларны иң дулкынландырган мизгел - тәбрикләү тантанасы белән тәмамланды. 
Джанна Волкова райоыбыз данын яклап, "Гражданлык позициясе" номинациясендә беренче дәрәҗәдәге лауреат исеме белән кайтты. Катнашучыларга үзләренең лаеклы бүләкләрен Татарстан Республикасы Премьер-министры урынбасары, балигъ булмаганар белән эшләү Республика комиссиясе Рәисе Вәсил Шәйхразиев һәм башка жюри әгъзалары белән берлектә тапшырды.