Юка боз хаталарны кичерми

Ноябрь- декабрь айларындагы юка боз нык түгел. Төнге салкыннар аркасында аз гына авырлыкны ул ничек тә булса күтәрә алса да, көндез кояш җылысы белән җылынып тагын куркынычка әйләнә. Шуңа күрә үз-үзеңне саклауны тәэмин итәргә кирәк. 

Юка боз аша хәрәкәт иткәндә сукмак сала-сала барырга кирәк, ә сукмак булмаса аерым бер маршрут ясарга кирәк һәм бозның калынлыгына ышангач кына алга таба хәрәкәт итәргә була. Әгәр дә боз калын булмаса, ярылып китсә алга таба баруны туктатырга кирәк, әкрен генә бер аякны икенчесеннән аермый гына артка таба чигенергә кирәк. сулыкларда тимераякта шуу аның ныклыгын тикшергәннән соң гына рөхсәт ителә. Аның калынлыгы 12 см да ким булмаска тиеш, ә күпләп шуганда 25 сантиметр булырга тиеш. Чаңгыларда хәрәкәт иткәндә, аның эләктергечләрен ычкындырырга, кул чукларыннан тотма таякларны шулай ук ычкындырырга. Рюкзакны бер җилкәгә генә асарга киңәш ителә. Чаңгычылар арасы биш-алты метр булырга тиеш. Балык тоткан вакытта боз өстендә сикерергә, уйнарга, чабырга рөхсәт ителми. Күпләп җыелырга да ярамый. Һәр балыкчы саклык чараларын алдан күрергә тиеш. Әгәр дә инде боз астына киткәнсез икән паникага бирелергә кирәк түгел, бөтен тәнегез белән бозның юка урыннарына ятмагыз, киң итеп кулларыгызны җәегез. .