Ютазылыларга тимераякка басырга тәкъдим ителәр.

Бүген, кеше үзенә һәм үзенең сәламәтлегенә күбрәк игътибар бирә башлаган вакытта тимераякта шуып үзеңнең күңелеңне генә күтәрәсең.
Кар аз булуга да карамастан, районда катоклар катырыла һәм яшьләр арасында популяр булып санала. Бүген "Энергия" стадионында тимераякларны прокатка бирү оештырылган. Әгәр авылларны алсак, Әбсәләм авылында каток яхшы катырылган. Монда, мәсәлән, катокны катырырга балалар һәм яшьләр үзләре ярдәм иткәннәр. Моннан тыш кием алмаштыру өчен вагон да урнаштырганнар, һәм шулай ук тренажер залы да бик популярлык казана икән. Калганнарга үрнәк булырлык Урыссудагы 4 санлы мәктәпнең катогы да аерым игътибарга лаек: монда инде "Көньчыгыш-Көнбатыш" турниры да уздырып өлгргәннәр. Балаларның ялы компьютер каршында түгел, ә нәкъ менә саф һавада узсын өчен аны активлаштырып җибәрергә кирәк.