Татарстан Республикасының мәдәният бүлеге Министрлыгы уздырган киңәшмәсендә катнашу

Татарстан Республикасының мәдәният бүлеге Министрлыгы уздырган киңәшмәсендә катнашу

Соңгы елларда Татарстан мәдәнияты югары темплар белән үсте, ләкин бүген яңа зур бурычлар куярга кирәк. Бу хакта Татарстан Республикасы Президенты Рөстәм Миңнеханов бүген яңа гына төзекләндерелгән Качалов исемендәге Казан академия зур драма театры бинасында беренче мәртәбә узган республиканың Мәдәният министрлыгының нәтиҗәләр чыгару коллегиясендә белдерде.
Бу көнне барлык җитәкчеләргә дә диярлек - Хөкүмәттән бүләк - җиңел машина бүләк иттеләр. Бу машиналар авыл районнарында  бик кирәк әйбер. 

Татарстан мәдәният министры Айрат Сибагатуллин докладында билгеләгәнчә, 2014 ел мәдәни вакыйгаларга бай булды. Бу Россиядә һәм Татарстан Республикасында Мәдәният елы, Болгарны ЮНЕСКО Бөтендөнья мирасы исемлегенә кертү елы булды. Казан 2014 елда төрки дөнья башкаласы исемен йөртте, ә Муса Җәлил исемендәег опера һәм балет театры 140 еллык юбилеен билгеләп үтте.

Министр хәбәр иткәнчә, Татарстанда мәдәният тармагында уртача эш хакы соңгы ике елда 76% ка артты. 2014 елда 71 мәдәният учреждениесендә капиталь ремонт яисә реконструкция үткәрелде, 51 яңа бина төзелде, шул исәптән 47 авыл клубы. 25 мәдәни мирас объекты төзекләндерелде.

Шулай ук ул чыгымнарны оптимизацияләү зарурлыгы турында белдерде. 2014 елда республиканың консолидацияләнгән бюджеты мәдәният тармагына 10,29 млрд. сум сарыф итте. Чыгымнарның 80% тирәсе хезмәт хакы түләүләре һәм биналарны тоту булды, шул ук вакытта, алга таба хезмәт хакын арттыру өчен, оптимизация үткәрү кирәк.

Мәдәният учреждениеләренең бюджеттан тыш керемнәре күләме 2014 елда 719 млн. сум тәшкил итте, шул исәптән 496 млн. сум республика мәдәният уреждениеләрендә, 223 млн. сум – муниципаль мәдәният уреждениеләрендә. Керемнәрне арттыру өчен, министр фикеренчә, муниципаль мәдәният уреждениеләрендә килгән халык санын теркәү системасын камилләштерү кирәк.