Медицина хезмәткәрләре пациентларны яңа рамкалар буенча кабул итә башлаячаклар

Россия сәламәтлек саклау министрлыгы табибларның бер пациентны кабул итүгә киткән вакытны яңадан карыйячаклар. Моның турыда махсус боерык әзерләнә. Исегезгә төшерәбез, әлеге сорау 1970 елдан бирле каралмаган булган. 
Участок терапевты, гомуми практика табибы, невролог, оторинголог, офтальмолог һәм гинекологларның пациентлар янында булуларын яңадан карыячаклар. Бу күрсәткечләр табибларның үзләре өчен түгел, ә администрация өчен кирәк. Шуларга карап алар учреждениенең эшен координацияли алачаклар. Ә табиб үзе һәр очракта күпме кирәк дип уйлый, шуның кадәр вакыт сарыф итәргә тиеш, дип хәбәр итә РФ сәламәтлек саклау министрлыгы пресс-хезмәткәрләре. Моны ачыклау өчен РФ 17 регионында махсус фотохронометражлы ачыклаулар уздырганнар. Шулай, терапевтлар һәм пдиатрлар бер пациентны ким дигәндә 15 минут кабул иткән, гомуми практика табиблары - 18 минут, офтальмологлар - 14 минут, оторингологлар - 16 минут, невролог һәм гинекологлар - 22 минут.  Нәкъ менә шушы саннар кабул итү вакытының нигезе итеп алынган да инде. 

Моннан тыш закон кабул итүчеләр табиб башына төшкән кәгазь эшен дә киметмәкчеләр икән. Бүгенге көндә Россия табиблары моңа 40% вакытларын сарыф итәләр икән, ә педиатлар - 30% якын. Табиблар барлыгы 9 төрле документ тутырырга тиешләр икән. Киләчәктә аларның санын өчкә калдыру планлаштырыла.