Батырлык дәресе

Кече Урыссу авыл китапханәсе авыл мәдәният йорты белән берлектә беренче сыйныф укучылары өчен «Муса Җәлил - балаларның дусты!» дип исемләнгән әдәби кичә узды. Чара барышында алып баручылар шагыйрьнең тормыш юлы, иҗаты турында сөйләделәр, монда ук аның "Кызыл ромашка", "Күке", "әтәч" шигырьләре укылды, һәм аның иҗатыннан җырлар башкарылды. Укучыларга "Күрсәт әле, үскәнем!", "Сәгать" шигырьләрен сәхнәләштереп күрсәтү дә ошады. Чара азагында «Җыр булып яши күңелдә» дип исемләгән китаплар күргәзмәсе дә күрсәтелде. 

Шул ук көнне "Чулпан" балалар бакчасында "Муса Җәлил - балаларның дусты" дип исемләнгән чара узды, анда китапханәче балаларга шагыйрь Муса Җәлил турында сөйләде. Балалар аның шигырьләрен сөйләделәр, шулай ук шагыйрьнең уен шигырьләрен дә уйнап күрсәттеләр. Чара шагыйрьнең китапларыннан күргәзмә карау белән төгәлләнде.