Россия укытучылары белән горурлана

Бүгенге көндә мәктәп укыту белән генә шөгыльләнә алмый, ул баланы мөстәкыйльлеккә, нинди дә булса эш башкарырга һәм аның өчен җавап бирергә, карарлар кабул итәргә, үзенең хокукларын якралга, әйләнә-тирә мохиткә, җәмгыятькә яраклаша белергә дә өрәтергә тиеш.
Галина Матвеева, Зөлфия Идрисова
Кеше тойгылары арасында безгә аеруча да якын булганнары бар. Алар барлык байлыклардан - акча, матди муллыктан да кадерлерәк. Моның өчен күпне бирергә була, иң мөһиме, бу хисләрнең безнең күңел тү\рендә булуы.
Дуслык! Нинди олы мәгънәгә ия сүз.
Урыссу 2 санлы мәктәбенең башлангыч сыйныфлар укытучысы Елена Хворонова күп вакытын сыйныфның бердәм, дус-тату һәм бер-берсенә карата шәфкатьле булуларына күп игътибар бирә торган укытучы. "Иң яхшы сыйныф җитәкчесе" район бәйгесендә катнашып, Елена Александровна күрсәткән ачык дәрес тә "Дуслык" темасына багышланды.
Балалар "Чебурашка һәм крокодил Гена" мультфильмын караганнан соң, сыйныф сәгатенең темасын үзләре әйтеп бирде. Алар укытучылары белән бергә әкият геройларын эзләп таптылар, дуслык йорты төзеделәр һәм дуслык агачы үстерделәр. Ә агач яфракларына балаларның исемнәре язылган кул чуклары әверелде. "Ни өчен дуслаша белү кирәк?" дигән сорауга җавапны Елена Александровна балаларның үзләреннән таптырды. Сыйныф сәгате сизелмичә үтеп китте. Мондый сәгатьләр балаларның күңелендә озак саклана.
Елена Хворонова намуслы һәм гадел, бар яклап та үз эшенең остасы. Ул үзенең һәр укучысын хөрмәт итә һәм ярата, аларның эчке дөньяларын аңларга тырыша. Алар белән бергә шатлана, кайгылары булса - көенә. Укучыларның ышанычына тап төшермәскә тырыша. Ә балалар моның өчен аңа хөрмәт белән карый һәм ярата.