"Ел укытучысы" Бөтенроссия бәйгесенең зона этабы

31 март көнне  "Ел укытучысы" Бөтенроссия бәйгесенең зона этабына йомгак ясалды. Әлеге этапта һәр муниципаль районнан бишәр укытучы үз һөнәрләрен күрсәттеләр. Безнең район данын 12,13,14 март көннәрендә Әлмәт шәһәрендә 3 санлы Урыссу мәктәбеннән биология укытучысы Елена Колобова, Иске Урыссу урта мәктәбенең математика укытучысы Зинфира Гыйззәтуллина, Подгорный мәктәбенең математика укытучысы Лиза Дәүләтшина, Ютазы мәктәбенең инглиз теле укытучысы Зөлфия Гиззатуллина, 3 санлы Урыссу мәктәбенең Тормыш иминлеге нигезләрен укытучы Динар Вильданов якладылар. 

Бәйгенең финал этабында катнашу өчен Республиканың 45 укытучысы чыккан. Шулар арасында Иске Урыссу мәктәбенең математика укытучысы Зинфира Гыйззәтуллина да бар. Бәйге Казан шәһәрендә 13 апрельдән алып 17 апрельгә кадәр узачак. Зинфира Габделхак кызын чын күңелдән тәбрик итәбез һәм аңа уңышлар теләп калабыз!