Бәйрәкәтамаклылар Аяз Гыйләҗевның "Яра" драмасын сәхнәләштергәннәр

Бәйрәкә-Тамак мәдәният йорты коллективы авылның үзешчәннәре белән берлектә Аяз Гыйләҗевның "Яра" драмасын сәхнәзләштерделәр. Әлеге спектакль Бөек Җиңүнең 70 еллыгын каршылау кысаларында смотр буларак узды. Бәйрәкә-Тамак мәдәният йортыда алма төшәрлек тә урын юк иде. Спектакльнең куелышы һәим җитәкчесе булып авыл мәдәният йорты мөдире Фирдәүсә Гыйльметдинова. Актерларның инде зур яшьтә булуларына да карамастан: ә алар Мәрданшина Миннигөл, Мортазин Фирдавес, Мортазина Файрүзә, Гыйльметдинова Фирдәүсә, Сәвия Гыймаева, Дамир Асылгәрәев, Фәһим Миннуллин - спектакльне бик тә уңышлы итеп уйнадылар. Күпләр спектакльне күз яшләре белән карап чыкты. Спектаклҗдән соң сугыш чоры җырлары җырланды, шигырьләр укылды. Ильназ Сәитов, Рамилә Шәйхетдинова, Рафига Әюповаларның чыгышын зал җылы алкышлады. Костюмнарны мәдәният йорты хезмәткәрләре үзләре әзерләде.