Урыссулылар Зифа һәм Фәһимә Гатиятуллиналар Бөек Җиңү көенә медальләр һәм бүләкләр кабул итеп алдылар.

Кеше тормышы шулай корылган, кечкенәдән бергә үскән балалар тормышка чыгып таралышалар. ә гомерләр узган саен алар картайган көннәрендә тагын бер-берсенә якынаялар. Зифа һәм Фәһимә Гатиятуллиналар язмышы да шулай булган. 
Апалы-сеңелле кызлар тумышлары белән Башкортстан ягыннан, күп балалы гаиләдә үсәләр. Икесе дә сугыш чоры балалары һәм колхозда авыр эшләрдә эшлиләр. Аннары Фәһимә язмыш кушуы белән Урыссуга килеп эләгә, Бәйрәкә егете Миннебай Шәриповка кияүгә чыга. ике бала үстерәләр. Ә берничә ел элек үзе янына өлкән апасын Зифаны да алып килә. Күптән түгел алар үзләренең матур юбилейларын билгеләп үттеләр. Бүген алар берсенә-берсе терәк һәм кирәк булып матур гына гомер кичерәләр. Матур юбилейлары уңаеннан аларны социаль яклау бүлеге начальнигы Джанна Волкова котлады, аларга иң изге теләкләрен җиткерде һәм Бөек Җиңүнең 70 еллыгы уңаенннан юбилей медальләре белән республика күчтәнәчләрен тапшырды.