"Изгелекләр кылып яшик" хәйрия концерты

2015 елның 25 апреле, шимбә

18 апрель көнне Бәйрәкә авылы мәдәният йортында "Изгелекләр кылып яшик" дип исемләнгән хәйрия концерты узды. Әлеге бәйрәмне оештырырга ярдәм иткән барлык катнашучыларга, Бәйрәкә мәктәбенең  бию төркемнәренә һәм аның җитәкчесе Айгөл Латыповага зур рәхмәт. Шулай бала тормышына битараф калмаган тамашачыларга бик зур рәхмәт. 

Хәйрия концертында җыелган акчаларны 11 яшьлек Радельга тапшырдылар. Хәйруллин Радель Рәфис улы 2003 елның 29 сентябрендә 2 кг 700 гр булып дөньяга килә. 2004 елның 25 ноябрендә Радельга ДЦП диагнозы куялар. Баланың интеллекты бар. әмма ул сөйләшә алмый. Бары тик берничә сүз генә әйтә ала.  Ул бар әйтәсе килгән сүзен күзләре һәм куллары белән генә аңлата. Дәвалану аркасында ул утырырга өйрәнгән, әмма әле хаман тезләнеп тә йөри алмый, үзлегеннән адымнар да ясамый. Аны аякка бастырыр өчен бик күп тырышлык һәм матди ярдәм таләп ителә. Кем ярдәм кулы суза ала, ярдәмегездән ташламассыз дип ышанып калабыз.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International