9 май көненә бәйрәм чаралары программасы

Солнечный микрорайонында ветераннар өчен төзелгән күпфатирлы йортны ачу тантанасы иртәнге сәгать 08:00 дә Фәнис Кәримов урамында узачак.

Бөек Җиңүнең 70 еллыгына  багышланган “Вакыт машинасы” Җиңү Парады Урыссу урамында 9:30  үтәчәк.

“Алар Җиңү белән Рейхстагка кадәр барып җиткәннәр” исеме астында Бөек Җиңүнең 70 еллыгына багышланган митинг чарасы 10:00 сәгатьтә мемориалда башлана.

Бөек Җиңүнең 70 еллыгы уңаеннан “Һәлак булган батырлар даны, күңелләрдә мәңге саклана”  театральләшкән тамаша сәгать 11:00 район мәдәният йорты каршындагы мәйданда узачак.

Бөек Ватан сугышы ветераннары өчен бәйрәм концерты һәм төшке аш сәгать 11:00 район мәдәният йорты фойесында үтәчәк.

Шул ук сәгатьтә балалар паркында Балалар музыка мәктәбе тәрбияләнүчеләре “Каршы тордык һәм җиңүгә ирештек” дип исемләнгән бәйрәм концерты тәкъдим итәләр.

Кичке сәгать 17:00 – 19:00 сәгатькә кадәр район мәдәният йорты каршындагы мәйданда “Җиңү Вальсы” дип исемләнгән бәйрәм программасы узачак.

Ә бәйрәмнең кульминациясе кич сәгать 19:00 – 23:00 сәгатькә кадәр “Җиңүчеләргә дан!” дип исемләнгән бәйрәм кичәсе стадион алдындагы мәйданчыкта узачак. Сезне бәйрәм концерты, дискотека һәм салют көтәчәк! Бәйрәмгә рәхим итегез!