Бөек Җиңүнең 70 еллыгына багышланган тантаналы чара узды

7 май көнне Казан шәһәрендәге Муса Җәлил исемендәге опера һәм балет театрында Бөек Ватан сугышында Җиңүнең 70 еллыгына багышланган республика чарасы узды. Әлеге тантаналы чарада Татарстан Республикасы вазифаларын вакытлыча башкаручы Рөстәм Миннеханов та катнашты. Әлеге чарада катнашырга республикабызның төрле почмакларыннан ветераннар җыйналды. Чарада шулай ук Дәүләт ярдәмчесе Минтимер Шәймиев, ТР Дәүләт Советы Рәисе Фәрид Мөхәммәтшин, ТР премьер-министры Ильдар Хәликов, Татарстан Хөкүмәте әгъзалары, республика министрлыкларыннан һәм ведомстволарыннан вәкилләр катнашты. 
 ТР Мәгариф министрлыгы һәм ТР Мәдәният министрлыгы тарафыннан зур күргәзмә оештырылган иде. Татартсан Республикасының Мәгариф министрлывгы әзерләгән "Родные лица Победы..." акциясе буенча ике телдә 48 баннер урнаштырылган иде, шулай ук күргәзмәдә "Мы в летописи Великой Отечественной войны.." дип исемләнгән  республика акциясенең тарихи-патриотик күргәзмәләрен күрергә була иде.
Һәр муниципаль район үз баннерын якларга район мәктәпләреннән бер укучыны билгеләргә тиеш иде. Алар үз баннерлары янында матур киемнән. күкрәкләренә георгий тасмалары тагып тордылар. 
Күргәзмә белән танышып чыкканнан соң Татарстан Президенты вазифаларын башкаручы Рөстәм Миннеханов балалар белән фотога төштеләр. Чара концерт номерлары белән дәвам итте.