Чисталык дәресе

2015 елның 20 маенда 2 санлы Урыссу мәктәбендә Ютазы муниципаль районы башлыгы Рөстәм Нуриев, районның мәгариф бүлеге начальнигы Тамара Романова катнашында чисталык дәресе узды. Чара башланганчы Ык елгасын чистарту буенча экологик рейд уздырылды. Рейд барышында елга янында булган чүп-чар җыелды. Район башлыгы белән очрашуда әлеге эшнең фото һәм видео материаллары тәкъдим ителде. Әңгәмә барышында Рөстәм Нуриев соңгы биш елда бистәдә булган үзгәрешләр, бистәне яшелләндерүгә тотылган акчалар турында сөйләде һәм киләчәктә бистәнең чиста һәм яшел булуында балаларның да ярдәме кирәк булуын алшарт итеп куйды.