Ютазы мәктәп яны лагерында "Бел, эшлә һәм сакла!" дип исемләнгән викторина уздырганнар

Ютазы мәктәп яны лагерында "Бел, эшлә һәм сакла!" дип исемләнгән уен-викторина уздырдылар. Әлеге чараның максаты  урамда йөргәндә балаларда үз-үзеңне тоту кагыйдәләрен, юл йөрү кагыйдәләрен, юлларда һәм урамнарда гомуми тәртипләрне искә төшерү. Чарада 15 укучы катнашкан. Алар тәрбиячеләр Ольга Ганзина һәм Ләйлә Шәһимәрдәнова әзерләгән викторина сорауларына җавап биргәннәр, пазл-билгеләр төзегәннәр һәм аларның эчтәлеген аңлатканнар, дөрес итеп юлдан чыгарга өйрәнгәннр. Чарада ЮХИДИ бүлегенең Ютазы районындагы юл йөрү кагыйдәләрен прогпагандалау буенча өлкән инспектор, өлкән лейтенант Радик Гыйләҗев та катнашкан.