Бөгелмәдә наркоконтроль хезмәткәрләре герои таратучыны тоткарлаганнар

Әлеге хатынга 20 елга якын ирегеннән мәхрүм итү яный.

Бөгелмәдә "Мәк" операциясе кысаларында наркоплицейскийлар 45 яшьлек хатын-кызны Самара өлкәсеннән Татарстанга бик күп партия героин алып кергәндә кулга алганнар. Нәтиҗәдә, аңардан 400 данәдән артык доза героин табылган. 

Әлеге хатынны наркоконтроль хезмәткәрләре Татарстанга кайтып барганда бөгелмә автовокзалында автобустан төшкәндә тоткарлаганнар.  Хатынның кулында наркотик матдә белән бер пакет була. 
Аның сүзләренә караганда ул әлеге наркотикларны "үлем белән сәүдә итүче" кечкенә "эшмәкәрләргә" сатырга ниятләгән була, шулай ук үзенең берничә танышына да сатырга уйлаган. 

Бу хатынның балалары бар, аларның берсе шулай ук наркотик матдәләр таратуда гаепле булып сак астына алынган. 
Хәзерге вакытта җинаять эше кузгатылган. Тикшерү эшләре бара.
Хөрмәтле гражданнар!
Әгәр дә сез наркотиклар әйләнеше буенча нинди дә булса мәгълүматка ия булсагыз әлеге "ышаныч телефоны" буенча мөрәҗәгать итегез:

Казанда – (843) 273-43-45;

Бөгелмәдә – (85594) 4-22-50;