«Бергәләп эшлик» Бөтенроссия экологик дәресе акциясе кысаларында Урыссу гимназиясендә класс сәгатьләре узды.
Дөньяны үзгәртәсең килсә, үзеңнән башла – бу дәресләрнең төп тезисы. Сыйныф сәгатьләре барышында безнең һәрберебез көнкүреш калдыклары күләмен киметү буенча ниләр эшләү мөмкин булуы һәм әйләнә-тирәбез чүптән азат ителсен өчен барыбыз бергәләп ниләр эшли алуыбыз турында әңгәмә корылды. Акция ахырында балалар Пушкин скверын чүп-чардан арындырды.