Урыссудагы 2 санлы мәктәпнең укучылары Ык елгасы ярларын җыештырган
2015 елның 15 сентябре, сишәмбе
Урыссудагы 2 санлы мәктәпнең өлкән сыйныф укучылары һәм укытучылары Ык елгасы ярларын җыештыру буенча экологик рейд уздырган.
Биредә мондый хезмәт десанты күркәм гадәткә әверелгән. Малайлар һәм кызлар асылда халык күп ял итә торган зоналарда тәртип урнаштыра. Чүп-чар яр буенда калган очракта, ул, язгы ташу вакытында, суга эләгәчәк, ди алар. Пластик шешәләр, стаканнар, алюмин банкалар, капчыклар, ватылган пыяла шешәләр... Нәрсә генә юлыкмыйсың?! Өлкән сыйныф укучылары сүзләренә караганда, әлеге күңелсез картина алда торган ял көннәрендә тагын кабатланачак. Алар күңелендә “Сез чүплисез, ә балаларыгыз җыештыра!” дип табличка язып урнаштырырга микән әллә дигән сорау да туа.
Бүлешү:
СОҢГЫ ЯҢАЛЫКЛАР
24
апрель, 2026 ел
10-00 сәгатьтән 11-30 сәгатькә кадәр Урыссу бистәсенең Үзәк тыкрыгында Дәүләт автоинспекциясенең Ютазы бүлекчәсе хезмәткәрләре полиция бүлеге хезмәтләре белән берлектә «Тоннель» рейды үткәрде. Рейдның максаты – юл йөрү кагыйдәләрен тупас бозуларны ачыклау һәм булдырмау, транспорт чарасы белән исерек хәлдә идарә итүче яисә мондый хокуктан мәхрүм ителгән машина йөртүчеләрне ачыклау, җәяүлеләр кичүендә юл йөрү кагыйдәләрен үтәүне аерым контрольдә тоту, җәяүлеләр кичүендә каршы як юлга чыгу юлларын туктату, юл йөрү кагыйдәләрен бозучы автобусларны тикшерү пассажирлар йөртү.
Кече Урыссу мәктәбенең 7 нче сыйныф укучысы Радель Зарипов илнең иң яхшы яшь язучылары исемлегенә керде - ул «Илһам» Бөтенроссия конкурсында җиңүче булды!
Чернобыль атом электростанциясендә авария булганнан соң 40 ел узган.
Бәйрәкә урта мәктәбе укучысы Әмилә Шәрифуллина Парламент дәресе — 2026 кысаларында оештырылган республика индивидуаль проектлар конкурсында җиңү яулады.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз