Юрий Камалтынов: Үзеңә кандидатны, соңыннан аннан сорарлык итеп сайларга кирәк
Юрий Камалтынов журналистларга "Бердәм Россия"нең алдан сайлау процедурасын уздыручы илнең бердәнбер сәяси партия икәнлеген искә төшерде. Аларның мондый традициясе 2009 нчы елдан бирле уздырыла. Ул агымдагы елда әлеге эшкә берникадәр үзгәрешләр кертелүен хәбәр итте: "Элек ул партия эчендә алдан сайлап алу дип атала иде. Хәзер "партия эчендә" дигән сүзне алдык: партия илдә яшәүчеләр алдында Дәүләт Советына кандидатлар сайлауны халык алдына чыгарырга булды.
Элек без ПВГ өчен тәгаен кем тавыш бирзәчәген алдан белгән булсак: алар "Бердәм Россия" белән элемтәдә торучы киң җәмәгатьчелек һәм партия вәкилләре, һәм сайлаучыларның списоклары алдан ясала иде. Хәзер боларның берсе дә юк. "Без 22 май көнне Татарстанда яшәүчеләрнең барысын да - аларның нинди партия өстенлек бирүләренә карамастан сайлау участокларына килергә чакырабыз. Ягъни, бу партия әгъзалары гына түгел, ә башка партия вәкилләре һәм иҗтимагый оешмалар да булырга мөмкин", - дип ассызыклады Юрий Камалтынов.
Алдан хәбәр ителгәнчә, хәзерге вакытта оргкомитетта 37 кеше теркәлү узган. 23 март көненә оештыру комитетында барлыгы 42 кеше гариза биргән. Республикада инде исәп-хисап комиссиясенең эшен буенча бик күп эш уздырылган - алар барысы 560.
Юрий Камалтынов фикеренчә, хәзерге моментта иң төп авырлыкның берсе - үзеңә ошаган катнашучы өчен алдан сайлау процедурасының узу урынын халыкка җиткерү. Авырлык монда нәрсәдә дисезме, сайлап алучы үзе һәрвакыттагыча сайлый торган урынына килеп сайлый алырга тиеш.
Юрий Камалтынов республиканың "бердәм Россия" региональ бүлеге алдында торган төп бурыч - халыкны алдан сайлау турында күбрәк хәбәрдар итү. "Безнең төп бурыч - халыкка күбрәк информация бирү. Без һәр хуҗалыкка кереп, 22 май көнне үзеңә кандидат сайлый алу турында хәбәр итәргә тиеш. Сезнең алда реаль мөмкинлек бар: кемне сез Дәүләт Думасында күрергә телисез, шуның өчен тавыш бирәсез. Шуңа күрә безнең төп максат - кандидатны үзең сайла, соңыннан аннан сорарлык булсын, - дип ассызыклады Юрий Камалтынов.