Ютазы чаңгычылары – чемпионат призерлары

Чаңгы ярышлары буенча Татарстан Республикасы чемпионатында Ютазы чаңгычылары – көмеш призерлар.

Яшел Үзән шәһәрендә өч көн дәвам иткән чарада республиканың иң көчле чаңгычылары классик һәм ирекле ысул белән спринт ярышларында көч сынашкан. “Олимп” спорт мәктәбе тренер-укытучысы Таһир Гыйздетдинов тәрбиясендәге спортчылар бу ярышта да лаеклы чыгыш ясаган – Ютазы районы командасы мактаулы икенче урынга лаек булган.