Урыссу мәктәп укучылары ЮХИДИ инспекторы белән очраштылар
Урыссуның 3 нче санлы мәктәбендә кунак килде – ЮХИДИ инспекторы Рөстәм Жанназаров.
Очрашуның максаты – балаларның юл-транспорт травматизмын кисәтү.
Рөстәм Малкович район территориясендә балалар катнашында юл-транспорт һәлакәтләре статистикасы турында җиткерде һәм юл-транспорт һәлакәтләренең төп сәбәпләрен билгеләде. Кызганычка каршы, күп кенә балалар, җәяүлеләр буларак, үз юлларын кыскарталар һәм юлның махсус урыннарыннан файдаланмыйлар, тротуар булганда юл буйлап хәрәкәт итәләр, еш кына велосипедта йөрү кагыйдәләрен бозалар.
Очрашу барышында ЮХИДИ инспекторы укучыларга юлларда, җәяүлеләр үтү урыннарында үзләрен ничек дөрес тотарга кирәклеге, автотранспорт өчен балалар тоткарлау җайланмалары һәм аларны куллану кирәклеге турында сөйләде.
Ул шулай ук велосипедта, скутерда, мопедта йөрү кагыйдәләрен үтәү кирәклеге турында сөйләде. Очрашу ахырында полиция инспекторы балаларга юлда сак булуларын теләде.
Аннары линейкада НПК, спорт ярышларында җиңүчеләрне һәм призерларны бүләкләү узды.