Ютазы районында Пушкин иҗатын яратучылар яши

Бүген районда рус язучысы Александр Пушкин иҗатына багышланган чаралар узды. Үзәкләштерелгән китапханә системасының уку залында өлкән буын вәкилләре Пушкин шигырьләрен сәнгатьле укыса, мәдәният йорты сәхнәсендә яшь буын – мәктәп укучылары аның шигърият дөньясына сәяхәт кылды. Мәдәни чаралар бик җанлыклы узды – катнашучылар алардан җылы тәэсир алды. Өстән яңгыр явып торуга карамастан, Пушкин иҗатына гашыйк ютазылылар шагыйрь истәлегенә куелган һәйкәл итәгенә тере чәчәкләр салды.