Акбаш авылында агымдагы елда ачылган универсаль спорт мәйданчыгы тирәли агачлар утырттылар

2019 елның 7 октябре, дүшәмбе

Акбаш авылында агымдагы елда ачылган универсаль спорт мәйданчыгы тирәли Республикада игълан ителгән табигатьне саклау акциясе кысаларында  4 октябрь көнне агачлар утырттылар.

Бу көнне авыл җирлеге хезмәткәрләре, мәктәп укучылары, җирле имам белән берлектә 26 төп гөлҗимеш куагы утырттык, - дип хәбәр итте Акбаш авылы җирлеге башлагы Ләйсән Синәгатуллина. Эшне киләчәктә дә дәвам итәргә планлаштыралар. Нарат һәм гөлҗимеш агачларын мәчетнең тышкы ягыннан һәм үзәк урамында утыртуны дәвам итәчәкләр.