Милек салымнарын вакытында түләү өчен бер ай вакыт калды!
Көзен без узып баручы елга нәтиҗәләр ясый башлыйбыз. Ә күчемсез милек, транспорт чаралары һәм җир кишәрлекләре хуҗалары өчен бу милек салымнарын түләү вакыты.
2019 елда 2018 ел өчен транспорт, җир салымы һәм физик затлар милкенә салымны (НИФЛ) - 2 декабрьгә кадәр (1 декабрь ял көненә туры килә) (РФ СКның 363 ст.1 п., 397 ст. 1 п., 409 ст. 1 п.) түләргә кирәк булачак.
Вакытында түләмәгән очракта пенялар исәпләнәчәк.
Татарстанда милек салымнарын түләү буенча быелгы кампаниянең берничә принципиаль яңалыгы бар. Аерым алганда, быел беренче тапкыр физик затлар өчен салым түләүченең шәхси кабинетында аванс белән түләү мөмкинлеге туды, салым түләү өчен аерым түләү документы юк.
Әгәр 1 ноябрьгә кадәр салым белдерүнамәсе килмәгән булса, салым түләүченең салым салына торган мөлкәте яки физик затлар табышына салым тотылмаган керемнәре бар икән, салым инспекциясенә шәхсән мөрәҗәгать итәргә, шулай ук «Салым түләүченең шәхси кабинеты» аша мәгълүмат җибәрергә яки салым хезмәтенең «Россия Федераль салым хезмәтенә мөрәҗәгать итәргә» интернет-сервисыннан файдаланырга кирәк.
Әгәр салым түләүче салым уведомлениесендә дөрес булмаган мәгълүмат ачыклаган икән, аңа салым инспекциясенә гариза белән мөрәҗәгать итәргә кирәк. Салымны яңадан исәпләү өчен нигезләр булган очракта, салым инспекциясе дөресләнгән салым белдерүен формалаштыра, аны салым түләүченең адресы буенча җибәрә һәм “шәхси кабинет”ка урнаштыра. Әгәр салым түләүче биргән мәгълүматлар расланмаса, салым инспекциясе аңа мәгълүмати хат җибәрә, анда мөрәҗәгатьне карау нәтиҗәләре турында хәбәр итә.
Салым ставкалары, салым ташламалары һәм салым чигерүләре акчалары турында мәгълүмат белән Россия Федераль салым хезмәте сайтында, "Милек салымнары ставкалары һәм ташламалары турында белешмә мәгълүмат» сервисында яки салым инспекциясенә (территориаль участокка) яки Россия Федераль салым хезмәтенең контакт-үзәгенә 8 800 222 22 түләүсез телефоны буенча мөрәҗәгать итәргә кирәк.
Хөрмәтле салым түләүчеләр, салым түләү срогы җиткәнчегә кадәр бер ай вакыт калды. Салым инспекциясе сезне 2018 ел өчен бюджетка милек салымнары һәм физик затлар табышына салым (НДФЛ) түләү бурычын вакытында һәм тулысынча башкарырга чакыра!
Россия Федераль салым хезмәтенең Татарстан Республикасы буенча № 17 районара инспекциясенең салым түләүчеләр белән эшләү бүлеге начальнигы
Андреева Н.Н.