Ютазы районы балаларына СПИД һәм ВИЧ турында сөйләделәр

2019 елның 3 декабре, сишәмбе

Бүген Урыссу гимназиясенең актлар залында 1 декабрь Бөтендөньяда СПИДка каршы көрәш көне кысаларында, өлкән сыйныф укучылары өчен "ВИЧ/СПИД - социаль проблема" дип исемләнгән лекция узды.

Укучылар өчен Республика СПИД үзәгенең Әлмәт филиалы  бүлеге җитәкчесе Алсу Газымова ВИЧ/СПИД авыруны вакытында ачыкласаң, дәваларга, авыруны аздырмый калырга мөмкин булуы турында сөйләде. Укучыларга СПИД йоктырган кешеләр белән төшерелгән видеороликлар күрсәтелде,  сорауларга җаваплар бирелде.