2020 елның 17 маенда Бөтендөнья СПИДтан үлгәннәрне искә алу көне

Хәтер көне ВИЧ/Спид проблемасына җәмәгатьчелек игътибарын юнәлтү, хәбәрдарлыкны арттыру, корбаннарны искә алу һәм ВИЧ-инфекцияле кешеләргә ярдәм итү максатыннан үткәрелә. Әлеге көнгә багышланган чараларның берсе-кеше иммунодефициты вирусы белән зарарланган кешеләргә карата дискриминация булдырмый торган социаль мохит формалаштыру. ВИЧ-инфекциясенең таралуын кисәтүнең өстенлекле юнәлеше булып гражданнарга ВИЧ-йогышын тапшыру куркынычлары турында мәгълүмат бирү һәм ВИЧка ирекле тикшерүләргә мотивацияләү тора. "Татарстан Республикасы Сәламәтлек саклау министрлыгының Республика СПИД һәм йогышлы авыруларны профилактикалау һәм аларга каршы көрәш үзәге" ДАССОсы (алга таба-СПИД үзәге) «Мин төгәл беләм» дигән яңа yatochnoznayu.ru профилактик сайт эшен башлап җибәрде. Сайтта: - ВИЧ-йогышы турында актуаль мәгълүмат алырга; -сораулар бирергә һәм СПИД Үзәге белгечләренең эксперт бәяләмәсен алырга; - буклетлар һәм видеороликлар яздырып алырга мөмкин. ВИЧ-йогышы турында халыкка мәгълүмат бирү дәрәҗәсен бәяләү өчен сайтта онлайн-анкета урнаштырылган. СПИД үзәге тарафыннан #мояистория+акциясе старт алды. СПИД Үзәге хезмәткәрләре, медицина хезмәткәрләре һәм гади кызыксынган затлар ВИЧ белән кешеләрнең йогышлау тарихы һәм тормышы турында сөйлиләр. Тарихлар ВИЧ-йогышы проблемасына кагылышлы реаль кешеләр нигезендә әзерләнгән һәм зарарлану юллары һәм куркынычсыз үз-үзеңне тоту турында мәгълүматлылыкны арттыруга юнәлдерелгән. Шушы акциягә кушылырга чакырабыз, Instagram социаль челтәрендә #Минем тарих+ #үзәкспидрт #яточным хештеглары белән йогышлау тарихын тәкъдим итәбез.