Медальләр алу һәм аттестатлар бирү мәсьәләсе хәл ителде

Эпидемиологик хәл начар булу сәбәпле, быел төп гомуми һәм урта гомуми белем турындагы аттестатларны имтихан билгеләрен исәпкә алмыйча бирү турында карар кабул ителде. Бу аттестатлар бирүгә дә кагыла. Аттестатларында бары тик бишлеләр генә булган 11 сыйныф укучыларына «Укудагы аерым уңышлары өчен” медале биреләчәк. Чыгарылыш сыйныф укучысының рус теле һәм математика буенча БДИ нәтиҗәсе нинди булуы мөһим түгел. Чөнки быел БДИ югары белем бирү оешмаларында кабул итү өчен имтихан буларак узачак. Искәртеп узабыз, урта гомуми белем турындагы аттестатка уртача алты билге – ярты еллык һәм еллык – уку планының барлык уку предметлары буенча 10 һәм 11 нче сыйныфлар өчен чыгарыла.