Ветераннар арасында үзешчән башкаручыларның «Балкыш» («Сияние") VI Республика фестиваленең гала-концерты узачак

2020 елның 18 августы, сишәмбе

20 августта Казанның «Крылья Советов» паркында ветераннар арасында үзешчән башкаручыларның «Балкыш» VI Республика фестиваленең гала-концерты узачак.

Артистларның чыгышларын «ВКонтакте» социаль челтәрендәге Татарстан Республикасы рәсми битендә күрергә мөмкин булачак.

Гала-концерт иртәнге 11 сәгатьтә башлана.

Быел фестиваль Бөек Ватан сугышында Җиңүнең 75 еллыгына, ТАССРның 100 еллыгына һәм Казанга «Хезмәт батырлыгы шәһәре» исемен бирүгә багышланган.