Фәрит Миргасим улы Садыйковның иҗат концерты
17 апрель көнне Район мәдәният йортында Федераль куркынычсызлык хезмәтенең отставкадагы полковнигы, якташыбыз Садыйков Фәрит Миргасим улының иҗат концерты булды.
Булачак солдатларга котлау сүзләре белән Ютазы муниципаль районы Башкарма комитеты җитәкчесенең социаль мәсьәләләр буенча урынбасары С.А. Рузанов мөрәҗәгать итте һәм тантаналы рәвештә егетләргә повесткалар тапшырды.
Чара барышында тамашачылар чик буе хезмәте, Әфган турында җырлар, ВДВда хезмәт итү, Бөек Ватан сугышы турында җырлар тыңладылар. Һәр концерттагы кебек үк бу көнне дә мәхәббәт турында җырлар, гитара астында җырлар яңгырады. Фәрит Садыйков белән бергә аның балалары да чыгыш ясадылар, алар тамашачыларга соклану һәм шатлык бүләк иттеләр.
Чара ахырында Фәрит Миргасим улының абыйсы Т.Н. Идрисов чыгыш ясады һәм үзенең шигырьләр китабын бүләк итте. Рузанов Сергей Александрович Фәрит Миргасимовичка истәлекле бүләк тапшырды һәм матур концерт өчен рәхмәт белдерде.
Кич буе рәхмәтле тамашачыларның көчле алкышлары тынмады. Концерт «Без барыбыз да бүген бирегә җыелуыбыз бик шәп» дигән җыр белән тәмамланды.