11 август - Халыкара сәламәт йөрәк көне
Бүген бөтен дөньяда Халыкара сәламәт йөрәк көне билгеләп үтелә. Аны үткәрү максаты - сәламәт яшәү рәвешен пропагандалау, начар гадәтләрдән баш тарту һәм үз сәламәтлегеңә карата игътибарлырак мөнәсәбәт булдыру.
Урыссу район үзәк хастаханәсенең статистика хезмәте мәгълүматлары буенча, район сәламәтлек саклау оешмасында йөрәк-кан тамырлары авырулары белән диспансер исәбендә барлыгы 3231 кеше тора. Аларның 2349 ы - пенсия яшендәге кешеләр.
Йөрәк-кан тамырлары авыруларының үсешенә йогынты ясаучы куркыныч факторлар булып тора:
• тәмәке тарту;
• чиктән тыш алкоголь куллану;
* холестерин дәрәҗәсе артуы;
• диабет авыруы;
• 140/90нан югарырак булган артериаль кан басымы;
* физик активлыкның түбән булуы;
• симерү;
• даими эмоциональ стресс.
Йөрәк-кан тамырлары системасы авырулары килеп чыгу куркынычын киметүгә юнәлдерелгән берничә тәкъдим бар:
* тоз куллануны киметергә кирәк (көнгә 5 граммнан кимрәк дәрәҗәгә кадәр);
* рационда җиләк-җимеш һәм яшелчә өлешләрен арттырырга;
* даими рәвештә физик активлык белән шөгыльләнергә;
• тәмәке һәм алкоголь кулланудан баш тартырга;
• составында туклыклы майлар күп булган азык-төлек продуктларын куллануны чикләргә, трансжирларны бөтенләй кулланмаска;
• артериаль кан басымын контрольдә тотарга.
Исегездә тотыгыз, файдалы гадәтләр сезнең йөрәк сәламәтлеген озак еллар дәвамында саклап калырга сәләтле.