Хөрмәтле Урыссу бистәсе халкы!
«Татарстан Республикасы Ютазы муниципаль районының шәһәр тибындагы Урыссу бистәсе территориясен төзекләндерү кагыйдәләре» нигезендә шәхси торак йорт һәм гараж милекчеләренең бурычлары:
- шәхси торак йортлар һәм гаражлар янындагы территориядә (йорт каршындагы территориядә тротуарга яки урамның машиналар йөрү өлешенә кадәр, йорт яки юл буенда гараж урнашкан очракта) чүп үләннәрен җыештырырга һәм чабарга;
- коймаларның тиешле торышын тәэмин итәргә, аларны үз вакытында төзәтергә һәм буярга;
Түбәндәгеләрне эшләү тыела:
- йорт биләмәсе читендә күмер, утын, эре габаритлы калдыкларны, төзелеш материалларын саклау;
- йорт янындагы территориядә клумбалар, чәчәк түтәлләре, декоратив коймалар һәм кече архитектура формалары буларак автомобиль покрышкалары куллану.
«ТР Ютазы муниципаль районы шәһәр тибындагы Урыссу бистәсе территориясен төзекләндерү кагыйдәләрен» үтәмәгән өчен административ хокук бозулар турында Татарстан Республикасы Кодексының 3.6 статьясында каралган һәм 3500 сумга кадәр штраф салына.
2022 елның 23 маеннан 26 маена кадәр Урыссу бистәсе территориясен тикшерү үтәчәк һәм «ТР Ютазы муниципаль районы шәһәр тибындагы Урыссу бистәсе территориясен төзекләндерү кагыйдәләрен» үтәмәгән өчен гражданнар административ җаваплылыкка тартылачак.
ТР Ютазы муниципаль районы Башкарма комитетының административ комиссиясе