Район мәдәният йортында җиде җирлекнең фольклор коллективлары концерты узды
Җиде капка – җиде әманәт
Исегезгә төшерәбез, «Ютазы районының җиде капкасы» проекты нигезендә татар халкының тарихи һәм мәдәни кыйммәтләрен, аның үзенчәлеген һәм уникальлеген заманчага җиткерү теләге бар. Авыл җирлекләренең үзешчән артистлары тәкъдим иткән театральләштерелгән тамашалар һәм җырлар бу кичәдә аеруча ышандырырлык яңгырады. Безнең төбәкнең символик капкасының һәрберсе артында күп кенә талантлары күзгә күренеп торган тырыш хезмәтчән халык яши. Менә озын көйле татар моңы агыла... Билгеле сәбәпләр аркасында ташлап кителгән туган җирне сагыну ята бу җырда. Шуңа күрә җиде капканың һәрберсе артында тамашачы кешелеккә мәңгелек кешелеклелек әманәт иткән чакыру ишетте.
Миңа кайсы “капка” ошады дип сорыйсызмы? Кәрәкәшле дә, Акбаш та, Иске Каразирек тә, Иске Урыссу да, Бәйрәкә дә, Ютазы да, һәм, асылда, Урыссу поселогы да дип җавап бирәм. Нәкъ шулай итеп, тәкъдим ителгән номерларның барысы да ышандырырлык яңгырады. Чараны оештыручылар -район хатын-кызлар советы һәм аның башлангыч оешмалары, җирлекләрнең ветераннар советы һәм Бөтендөнья татар конгрессының җирле бүлекчәсе.