Урыссу балалар сәнгать мәктәбенең яшь солистлары Әлмәтне яулады
Урыссу балалар сәнгать мәктәбенең дүрт солисты «Сандугач сайрар илем" региональ фестивалендә лауреат булды.
25-26 гыйнварда Әлмәт шәһәрендә балалар һәм яшүсмерләр иҗатының «Сандугач сайрар илем» 26 төбәк фестивале узды. Конкурс «Кояшлы» сәламәтләндерү лагере базасында узды, анда Татарстанның көньяк-көнчыгышындагы төрле шәһәр һәм районнарыннан йөзгә якын иң көчле вокалчы катнашты, эстрада һәм халык җыры номинацияләрендә көч сынашты.
Катнашучыларга һәм аларның җитәкчеләренә өч тапкыр ашату тәкъдим ителде, балалар өчен күчмә уеннар һәм конкурслар оештырылды.
Урыссу балалар сәнгать мәктәбенең дүрт солисты (Маргарита Глухова, Полина Михайлова, Айзана Галиева, Лилиана Мәрданова) бу фестивальдә Ютазы районын лаеклы тәкъдим иттеләр. Конкурс көне тәмамлангач, йомгак ясалды һәм иң яхшы башкаручылар бүләкләнде. Безнең талантлы һәм сәләтле кызларыбыз лауреат исеменә лаек булдылар: өчесе - «Вокал. Соло. Халык җырын башкару” номинациясендә һәм Лилиана Мәрданова - "Вокал. Соло. Эстрада җырын башкару" номинациясендә !
- Глухова Маргарита (җит. Оксана Җәләева) - беренче дәрәҗә лауреат;
- Полина Михайлова (җит. Оксана Җәләева) - икенче дәрәҗә лауреат;
- Айзана Галиева (җит. Әлфия Батршина) - икенче дәрәҗә лауреат;
- Лилиана Мәрданова (җит. Әлфия Батршина) - өченче дәрәҗә лауреат.
Зур җиңү! Афәрин, кызлар. Мондый конкурста призлы урыннар алу җиңел эш түгел бит. Лауреатлар дипломнар, истәлекле бүләкләр һәм акчалата премия белән билгеләнде. Беренче дәрәҗә лауреат исемен алган солистлар җитәкчеләренә «Татнефть» фондыннан Рәхмәт хатлары һәм акчалата премия тапшырылды.
Шунысын да билгеләп үтәргә кирәк, Урыссу балалар сәнгать мәктәбендә тәрбияләнүчеләр «Вокал. Соло.” номинациясендә призлы урыннарны яулап, берничә ел инде “планканы төшермиләр”.
Аларга алга таба да иҗат уңышлары телибез!