Ютазы яшьармиячеләре «ZOV предков» II ачык фестиваль-конкурсында призлы урыннар яуладылар
Чара РФ Кораллы Көчләре хәрбиләренә ярдәм итү өчен РФ Гражданнар оборонасы көненә багышланды һәм Октябрьский шәһәрендә узды.
Башкортстан Республикасының Октябрьский шәһәрендә, 18 нче номерлы мәктәп базасында «ZOV предков» хәрби-патриотик клубларының II ачык фестиваль-конкурсы узды.
II ачык Фестиваль-конкурс ТР Ютазы районы хәрби-патриотик клублары һәм берләшмәләре арасында узды (Урыссу поселогы, “Факел” клубы) һәм Башкортостан Республикасы (“Русь” - Булгаково авылы, “Юный спасатель” - Дүртөйле шәһәре, Наследие - Булгаково авылы, Беркут- Бәләбәй шәһәре, Арслан - Дүртөйле шәһәре). Октябрьский шәһәренең «Юнармеец» командасы ярышларда зачеттан тыш, кабул итүче як буларак катнашты. Команда ярышлары нәтиҗәләре буенча “Факел” командасы:
1 урын - аркан тартуда һәм ыргым белән гер күтәрүдә;
3 урын – КА магазинын патроннар белән коруда, хәрби - спорт эстафетасында һәм электрон тирда атуда.
Шәхси урыннар:
Фаздалов Адель мылтыктан атуда - 1 урын;
Сорокин Данил – ыргым белән гер күтәрүдә - 1 урын;
Габдрахманов Илдан – КА магазинын патроннар белән коруда - 1 урын.
“Факел” отряды Юнармия хәрби-патриотик юнәлеше барлыкка килгәнче, 2007 елда ук оешты. Отрядта 30 бала. Мондый ярышларга балалар тырышып әзерләнә һәм зур теләк белән катнаша», — дип сөйләде отряд кураторы Динар Вилданов.
Командалар «Утлы чик», «Хәрби-спорт эстафетасы», «Рывок гири», «Капитаннар конкурсы», «Викторина», «Аркан тартышу», «Волейбол» һәм «Боевой листок» кебек конкурсларда ярыштылар.
Этапларда шәхси һәм команда зачетында җиңүчеләр һәм призерлар грамоталар һәм медальләр белән бүләкләнде.