Ютазы укучыларына онлайн сәүдә буенча мастер-класс үткәрелде
Ютазы районы мәктәпләре укучылары мастер-класска килделәр һәм онлайн сату өлкәсендә тәҗрибәле спикер — Линар Хафизов белән шәхсән аралаштылар.
Мастер-класслар һәм район эшкуарлары белән шәхси аралашу - «Һөнәрләр марафоны» проектының бер өлеше. Алар белән аралашу бик кыйммәтле, чөнки алар үз эшләре турында сүздә генә түгел, ә шәхси тәҗрибәләре аша бәян итәләр.
Мәсәлән, барлык яшүсмерләр дә үз эшләрен 14 яшьтән үк ача алуларын белми, ә маркетплейс кебек интернет мәйданчыгы үз потенциалын тормышка ашыру өчен уникаль чара булып тора.
"Соңгы вакытта безнең илдә дә, бөтен дөньяда да маркетплейсларда сәүдә шактый актуаль. Бу аларның иң тиз үсә торган сату каналлары булуына бәйле. Бу үсешкә бик күп факторлар йогынты ясады, шул исәптән Covid-19 пандемиясе», — дип сөйләде Линар Хафизов.
Балаларга үзләренең интернет-кибетләрен булдырырга, шулай ук мондый мәйданчыкларда эшләүнең барлык нечкәлекләрен белергә уникаль мөмкинлек бирелде.