Ютазы районының иң яхшы укытучысын котладылар

2023 елның 10 октябре, сишәмбе

Саклык банкы «Золотая 1000» премиясе лауреатын тәбрикләде.

Кичә район тормыш эшчәнлеге сораулары буенча киңәйтелгән атналык утырышта иң яхшы укытучы — Луиза Гыйльфанованы котладылар.

Россия Федерациясенең һәр субъектында мәгариф учреждениеләре укытучылары арасында премия алуга дәгъва итүчеләрне төбәк сайлап алулары үткәрелә. Педагогик эшчәнлектәге казанышлары өчен премия ел саен Россиянең иң яхшы укытучыларына бирелә. 2023 елда Урыссуның 2 нче номерлы урта мәктәбенең география укытучысы Луиза Гыйльфанова «Золотая 1000» премиясе лауреаты булды.

Луиза Әнвәр кызы Саклык банкыннан лидерлык, шәхси үсеш күнекмәләрен үстерү курсларына (14 көнгә) язылу, шулай ук сәламәтлек өчен товарлар сатып алу өчен сертификат алды.