Казанда Урыссу рәссамы Альбина Ибраһимованың картиналары күргәзмәсе узды
5 октябрьдә «Татарстанның мәдәни башкаласы» конкурсы кысаларында «Чулпан» мәдәни үзәгендә Татарстан Республикасы Ютазы муниципаль районының мәдәният көне узды.
Бәйрәмдә рәссам Ибраһимова Альбина Камил кызының «Акварель лирикасы» картиналары күргәзмәсе тәкъдим ителде.
Альбина Ибраһимова иҗат юлын үзе анда туган Үзбәкстанда башлый.
Бекабад сәнгать көллиятенең рәсем сәнгате бүлеген тәмамлый. К. Бехзад исемендәге милли сәнгать һәм дизайн институтында ( Ташкент шәһәре) «Китап графикасы» белгечлеге буенча бакалавр дәрәҗәсенә ия.
Хәзер ул Урыссу балалар сәнгать мәктәбендә югары категорияле укытучы.
2021 елдан Россия Акварелистлар берлеге әгъзасы. 2023 елдан Арт терапевт, һөнәри яңадан әзерлек укытуын узган. Халыкара, бөтенроссия, республика һәм төбәк-ара пленэрларда, арт-симпозиомнарда, күргәзмәләрдә, конкурсларда катнашучы.
2021 елда Ютазы районы авыллары буенча Россия рәссамнары картиналарының күчмә күргәзмәсен оештыручы.
Рәссам үзе акварель аның яраткан техникасы дип әйтә, чөнки бу җил исүенә охшаган: җиңел һәм үтә күренмәле. Күргәзмәдә пленэрда хатирәләр буенча язылган эшләрне күрергә мөмкин иде, чөнки һәр кеше үз ата-бабасын, үз мәдәниятен хөрмәт итәргә һәм үз тарихын онытмаска тиеш.