Балалар ижат үзәгендә «Дуслык территориясе» мәйданчыгы ябылды
10 октябрьдә җәй буе эшләгән Балалар ижат үзәгенең «Дуслык территориясе» мәйданчыгын ябу тантанасы узды.
«Дуслык территориясе» мәйданчыгында, җәй буе, өстәмә белем бирү педагоглары чаралар үткәрде.
Мәйданчык ябылу көнендә педагоглар балалар өчен «УЕН ФЕСТ» татар халык уеннары белән уен программасы һәм күңел ачу-уен эстафетасы үткәрделәр.
Җәйге чорда «Дуслык территориясе» мәйданчыгында балалар төрле чаралар калейдоскобына җәлеп ителде. Һәрбер күңел ачу программасы элеккегегә охшамаган һәм якты тәэсирләр, аралашу белән тулы иде.
Мәдәниятне һәм сәламәт яшәү рәвешен пропагандалауга гына түгел, ә юл хәрәкәте кагыйдәләрен, янгын куркынычсызлыгын өйрәнүгә дә зур игътибар бирелде. Шулай ук «Дуслык территориясендә» төрле мастер-класслар, квестлар, спорт уеннары, шашка һәм шахмат буенча турнирлар, ярышлар уздырылды, химик тәҗрибәләр күрсәтелде.
Җәйге вакытта мәйданчык поселок балаларына онытылмаслык ял бүләк итте. «Дуслык территориясендә» балалар җәй башында очраша алачак.