Урыссу үзәк район хастаханәсендә медицина хезмәткәре көне билгеләп үтелде
Урыссу үзәк район хастаханәсе территориясендә медицина хезмәткәре көненә багышланган тантаналы чара узды.
Табибларны һәм шәфкать туташларын, санитарларны һәм административ-хуҗалык бүлеге хезмәткәрләрен һөнәри бәйрәмнәре белән район башлыгы Аяз Шәфигуллин котлады.
- Сезнең хезмәтегез һәрвакыт ихтыяҗлы һәм хөрмәтле булды һәм шулай булып кала да. Сез үз тормышыгызны авыр, җаваплы, әмма җәмгыятьтә иң затлы һәм ихтыяҗлы һөнәр белән бәйләдегез — кешеләргә тормышка ышаныч һәм яхшы хисләр бирәсез. Сезгә һәм гаиләләрегезгә тынычлык, җылылык, муллык һәм иминлек! - район башлыгы җыелганнарга яхшы теләкләр белән мөрәҗәгать итте.
Бәйрәмдә, һөнәри бәйрәм хөрмәтенә, Урыссу үзәк район хастаханәсенең иң яхшы табиблары, шәфкать туташлары, фельдшерлары, санитаркалары төрле дәрәҗәдәге Мактау грамоталары һәм Рәхмәт хатлары белән билгеләп үтелде.
Аяз Әдип улы Урыссу үзәк район хастаханәсенең алдынгы хезмәткәрләренә хөкүмәт һәм район бүләкләре тапшырды. Моннан тыш, ул ТР Ютазы районы ГТО ВФСК тест үзәге белгече Газинур Гариев белән берлектә ГТО нормативларын үтәгән хезмәткәрләргә билгеләр һәм таныклыклар тапшырды.
Чараны Урыссу үзәк район хастаханәсенең баш табибы Светлана Шакирова дәвам итте, иң яхшы хезмәткәрләргә Урыссу үзәк район хастаханәсенең баш табибының Мактау грамоталарын һәм Рәхмәт хатларын тапшырды.
Бәйрәм район мәдәният йорты артистларының тематик чыгышлары белән үрелеп барды, алар медицина хезмәткәрләренә искиткеч концерт номерлары бүләк иттеләр.
Тулырак: http://yutazy.ru/news/zdravoohranenie/den-medicinskogo-rabotnika-otmetili-v-urussinskoi-crb