Күркәм авылларның кешеләре дә матур

Ирле-хатынлы Садыйковлар, Тәгъзимә һәм Мөслим, - Кече Урыссу авылында туып-үскәннәр. Биредә аларда бүгенге көндә дә  юлларын яктырткан бер-берсенә карата мәхәббәт хисе туа.

Алар аз гомер кичермәгән: Тәгъзимә апа тиздән 80 яшен тутырачак, Мөслим агага декабрьдә 85 тулачак. Тәгъзимә апа хезмәт юлын агач эшкәртү комбинатында башлый, аннары Әпсәләм комбинатында эшли. Мөслим аганың эш стажының күпчелек өлеше Урыссу ГРЭСына туры килә. Аларның хезмәт стажларын бергә кушсаң, җитди сан – 100 елга якын чыга. Садыйковларның көч һәм энергияләре ташып тора әле – бакчада яшелчә һәм җимеш үстерәләр, хуҗалыктагы эшләрне дә мөстәкыйль башкаралар. Кече кызлары Гөлфирә сүзләре буенча, гаилә башлыгы әле һаман машина йөртә, балык тотарга ярата.

Һәм, гомумән, алар үзләренең “саллы” яшьләре, иске җиһаз һәм элекке шатлык-куанычлары белән юанып яшәмиләр. Садыйковлар хәзерге тормышларына куанып гомер итәргә сәләтле. Бүгенге көндә алар үзләренең өч кызларының, биш оныкларының һәм оныкчыкларының балалары уңышларыннан алар энергия ала. Мәсәлән, Садыйковлар күптән түгел яңа туган оныкчыкларын күрү өчен Ульяновск шәһәренә барып кайтканнар. Иң затлы киемнәрен кигәннәр һәм күптән түгел генә үзенең тууы турында кычкырып елап игълан иткән оныкчыклары алдына лаеклы рәвештә килеп басканнар. Һәм, күзләрендә елмаю чаткылары чагылуга караганда, алар бер-берсенә ошаган.

Садыйковлар дөнья белән килешеп яши. Хуҗабикә бүген дә сөйкемлелектән, ниндидер эчке камиллектән мәхрүм түгел. Яшьлегендә үзенең тормыш юлдашы, авылдагы беренче егет Мөслимне шуның белән җәлеп иткән дә инде ул. Аның илтифат күрсәтүләрен ул озак вакыт җитди кабул итми. Һәм, ниһаять, егет кызны атта килеп алып китә, дип искә алына гаилә легендасында. Күркәм авылларда, Кече Урыссу шундый авыллардан да инде, мәхәббәт хисләре дә күркәм башлана. Юкса алар гомерендә дә авыр крәстиән тормышы, сугыш еллары балачагы һәм мохтаҗлыклар була. Алар язмышларын каргамый. Киресенчә, аңа рәхмәтлеләр, чөнки ул аларга күп нәрсә биргән, бу беренче чиратта – тулы кыйммәтле тормыш. Менә бүген дә алар заман чагылышларыннан йөз чөерми, мәсәлән, фатирларын заманча ремонтлыйлар. Һәр аткан таңнан соң адәм баласының ихтыяҗлары барлыкка килә: түшәмне яңарту, тәрәзәләрне алыштыру мөһимлеге. Һәм аларның мондый яшәүләре өчен якыннары да шатлана.

Балалары әти-әниләренең соклангыч картлык кичерүләрен күреп куанып туя алмый. Ә бүген алар җыелып үзләренең әниләре, әбиләре Тәгъзимә апа Садыйкованы юбилее белән котлыйлар. Аңа сәламәтлек һәм бәхетле гомер телиләр.