Зона этабы иң яхшылар арасында иң яхшыларны ачыклады
"Ел хатын-кызы. Ел ир-аты: хатын-кыз карашы" традицион Республика конкурсы зона этабында җиңүчеләр билгеләнде.
Безнең районнан биш катнашучы булды. Ютазы мәктәбе укытучысы Лилия Тимербаева «Хатын-кыз - ана» номинациясендә җиңүче булды. «Хатын - кыз-ел үрнәге» номинациясендә Урыссу интернат-мәктәбе укытучысы Ирина Абрамова җиңү яулады. Иске Урыссу авылында яшәүче Сәетнур Рәфыйков «Ир-ат-игелекле йөрәк» номинациясендә җиңү яулады.
Компетентлы жюри башка катнашучыларның - Урыссу балалар сәнгать мәктәбенең өстәмә белем бирү педагогы Зөлфирә Кубашеваның («Мәдәният һәм рухият» номинациясе), Иске Урыссу мәктәбе укытучысы Зинфира Гыйззәтуллинаның («Өченче яшь героинясы» номинациясе) чыгышларын да югары бәяләде.
Исегезгә төшерәбез, Татарстан Республикасы Рәисе ярдәмендә «Татарстан хатын-кызлары» төбәк иҗтимагый оешмасы тарафыннан үткәрелә торган конкурс республикабызның социаль-икътисадый үсешенә зур өлеш керткән хатын-кызларны ачыклау һәм җәмгыятькә тәкъдим итү максатыннан үткәрелә. Конкурсның максаты шулай ук мәдәният, рухият өлкәсендәге кешеләргә, үсеп килүче буынны тәрбияләүчеләргә, үзләренең игелеклелегенә сокланучыларга ярдәм итү. Һәм бу хатын-кызлар гына түгел, ирләр дә.
Роза Искәндәр
Тулырак: https://yutazy.ru/news/znay-nashikh/zonalnyi-etap-vyiavil-lucsix-sredi-lucsix