Балалар иҗат үзәге базасында яңа ел гаилә шахмат турниры узды
Турнирның максаты - балалар һәм өлкәннәр арасында шахмат уенын популярлаштыру, актив һәм мавыктыргыч гаилә ялын оештыру, балалар һәм ата-аналар коллективын туплау.
Шунысы куанычлы, күп кенә гаиләләр турнирда беренче тапкыр гына катнашмый һәм һәрвакыт түземсезлек белән чираттагы шахмат ярышына әзерләнәләр.
Яшь шахматчылар беренче адымнарыннан ук үзләренең шахмат белемнәрен һәм осталыкларын күрсәтергә омтылдылар.
Өлкәннәр шахмат турнирында аеруча җаваплылык һәм максатчанлык белән уйнадылар.
Иң күп очко җыйган гаилә командалары җиңүче булды. Аларга дипломнар һәм истәлекле бүләкләр тапшырылды.
Катнашучылар сүзләренчә, гаилә шахмат турниры кызыклы һәм мавыктыргыч килеп чыккан. Җылы гаилә һәм дуслык атмосферасы яшь һәм өлкән осталарда, шахмат сөючеләрдә һәм бәяләүчеләрдә бик күп уңай хис-кичерешләр калдырды.
Балалар иҗаты үзәгенең педагогик коллективы барлык балаларны һәм өлкәннәрне Яңа ел белән котлый һәм аларның гаиләләренә тынычлык һәм иминлек тели!