Ютазы район советының утырышында кадрлар һәм сәламәтлек турында кайгырттылар

Соңгы дүрт ел эчендә югары уку йортларына район үз мәктәпләрен тәмамлаган сигез чыгарылыш укучысын җибәрде.

Бу турыда 29 октябрьдә кадрлар әзерләү буенча район комиссиясе рәисе, район башкарма комитеты җитәкчесенең беренче урынбасары Ринат Вадигуллин II чакырылыш Ютазы район советының XXXVI утырышында хәбәр итте. “2008-2017 елларга Ютазы муниципаль районында кадрлар әзерләү” Программасының тормышка ашырылуы барышына тукталып, ул, аерым алганда, 2008 елда кадрлар әзерләү программасының нигезендә район бюджетыннан финансланучы учреждениеләргә һәм оешмаларга булышлык итү булуын билгеләп үтте. Барлык югары уку йортлары һәм районнан студентлар белән килешүләр төзелгән, алар укулары тәмамланганнан соң район учреждениеләрендә ун ел дәвамында эшләргә тиеш булачак.

“2013 елга Татарстан Республикасы халкына беренче медицина-санитария ярдәме күрсәтүне камилләштерү” республика максатлы программасын үтәлеше буенча эш анализы турында Урыссу үзәк район хастаханәсенең баш табибы Ренат Фатыйхов мәгълүмат бирде.

- Йөрәк-кан тамырлары авырулары, яман шеш чирләре һәм җәрәхәтләр инде ун елдан артык халык үлеменең төп сәбәпләре булып кала, - дип билгеләп үтте Фатыйхов. – Ел саен мидәге кан әйләнешенең кискен бозылуы һәм ишемик йөрәк авырулары белән авыручылар саны арта. 2008 елдан инсульт һәм миокард инфаркты салган авыруларга заманча медицина ярдәме күрсәтү өчен муниципальара кан тамырлары үзәкләре эшли. Безнең район “Татнефть” акционерлык җәмгыятенең Әлмәт медицина-санитария частенә беркетелгән. Район хастаханәсендә дәвалау этабында инфаркт булганда кан әйләнешен иртә тергезү буенча эш уздырыла. Баш табиб шулай ук поликлиникада хроник авыруларны һәм куркыныч факторларны иртә ачыклауга юнәлтелгән диспансерлаштыру үткәрелүе турында да әйтеп узды. Район Башлыгы Рөстәм Нуриев, сессия аның рәислегендә узды, җыелучыларның игътибарын предприятиеләрдә һәм учреждениеләрдә сәламәт яшәү рәвешен пропагандалау мөһимлегенә юнәлтте, үз сәламәтлегебезгә игътибарлы булырга чакырды.

Финанс-бюджет палатасы рәисе Салават Мөхәммәтов таныштырган тагын өч сорау депутатлар каравына чыгарылды. Болар 2014 елга һәм 2015 һәм 2016 еллардагы планлы чорга физик шәхесләр табышына салымнан Татарстан Республикасы Ютазы муниципаль районы бюджетына бүленгән акчаның өстәмә нормативына бюджет белән тәэмин ителешен тигезләүгә дотацияне алыштыруны килештерү турында; Ютазы муниципаль районының муниципаль юл фондын оештыру турында; Ютазы район советының “Ютазы муниципаль районында бюджет процессы турында положениене раслау турында”гы 2015 елның 29 декабреннән булган 10 санлы карарына үзгәрешләр кертү турында.

Район советы утырышында депутатлардан тыш район башкарма комитеты җитәкчесе Андрей Подовалов, аның урынбасарлары, предприятиеләр һәм дәүләт көч структуралары җитәкчеләре, палаталар рәисләре һәм башкалар катнашты. Барлык сораулар буенча тиешле карарлар кабул ителде.